INS THEORY之運動及3星期成果發表!!!

減肥最緊要固之然係運動+飲食，

而喺Pretty Ford 既INS THEORY入面，飲食就唔駛自己擔心，

但講到運動，佢地既跳舞堂都真係幾大消耗

一堂75分鐘，比出面一般既一個鐘或Physical既45分鐘都多，

我有喺Physical報堂經驗，自己跟唔到之餘，

其實45分鐘感覺都幾耐，所以上堂前都有D擔心！

結果，第一次去，跳左半個鐘，D汗已經濕到上圖咁  *0*，

以前從未試過有咁誇張效果，我去GYM ROOM一個鐘都未試過濕成咁！

 有一次，Pretty Ford比左個心率計我，

睇我消耗到幾多，估唔到一堂已經消耗左6百幾卡，

裡面仲有25%係脂肪，睇到都真係幾有成功咁

 跳舞堂上到一半通常阿SIR/MISS,都會有2-3分鐘比大家休息飲啖水，

補充水份再跳，所以75分鐘絕對冇我想像中咁辛苦，

而且舞步唔會來來去去幾個動作咁悶，感覺上時間過得仲快左

我真係每次上完一堂，都成身濕晒，連褲都濕埋，

上身仲濕到連Sport Top都睇到。。=.="，好尷尬。。。

自始之後，我都冇再著白衫去跳LU～哈哈～

 呢條褲係加大碼，喺INS THEORY之前係剛剛好架，

而家就已經有D鬆喇，再遲D就要買過Ｄ褲喇~哈哈！！

之前POST過十日既分別，今日不如睇埋20日~

感覺外觀減得比數字來得好！

我仲有15磅要減,希望Pre- Wedding前會成功啦！！！！

有外表又有內涵＠JILL STUART Lip blossom

JILL STUART一直都有能力令女仕們著迷，

當然外觀係最深得女仕心，而呢次既JILL STUART Lip blossom，

除左外觀，都仲好實用架！

每樣JILL STUART都有swarovski石為點綴，

而Lip blossom中，點綴的swarovski水晶喺蓋頂既小花位置，

一打開，先發現原來Bling Bling既小花,內藏一塊小鏡，

用黎補唇妝用就剛剛好！

新推出的 Lip Blosson 質地柔軟輕盈，有三款限定色澤，

而我收到既就係102既Love ballad，

就憑佢既鑽石切割面，我用前都有幾分掙扎，

好唔捨得整花佢呀><

而每次補妝，就只需要用上 Lip Blosson既小鏡，超方便呀！

內含迷迭香萃取液，薰衣草油及牛油果油，

由相片都睇得出，滋補度十足

102既Love ballad顏色比較自然，顯色度感覺一般，

用左次後咀唇明顯變得水嫩飽滿，有光澤感

平時我搽唇膏都一定要用潤唇膏打底，因為本身冇特別做唇部保養，

所以基本上都會有死皮，唇紋問題，

如果唔用潤唇膏打底，一搽唇膏所有唇紋都會現形，

但用上JILL STUART Lip blossom，完全唔需要潤唇膏，

咀唇一樣變得水潤飽滿，而且仲有減淡唇紋感覺，

有時候想有少少顏色令面色好啲，但又唔想化妝，

直接用JILL STUART Lip blossom當潤唇膏平時使用，感覺都唔錯呀！

INS Theory 的飯盒飲食

其實開始INS Theory之前，對於我呢個大胃女黎講，

最擔心都係食唔飽呢個問題，

老實講，雖然呢落好誇張，但我真係９成日子都有另外自己加菜，

去填飽個肚，因飯盒配給既菜，比平時我食既都少。。。。

由第十至十四日左右，我已經適應INS Theory飯盒＋跳舞生活，

雖然，都有加菜食～哈哈～但起碼跳完舞都唔會死左一樣，

第二日手痛腳痛

暫時我發現我既飯盒都有一定既規律

好似星期一晚，一定有蔬菜肉碎炒蛋，

例如苦瓜肉碎炒蛋，豆角肉碎炒蛋等等

星期二係我最DOWN既一日，因為午餐同晚餐都係一隻雞脾加菜，

朋友都會覺得，成隻脾ＷＯ，你仲想點？

其實我好想講［我係一個飯筒］，而且冇澱粉質真係好快餓。。

P.S.早餐係有澱粉質,只係午+晚餐冇

星期三晚係我全星期最開心既一餐，

平時我唔食肉餅，但佢既肉飯唔知係加左藜麥定燕麥，

再同飯拌勻食，好味又飽肚！！！

星期四既炒粉絲

星期日午餐既紅蘿白薯仔雞都好好食，

因為我中意紅蘿蔔

其實成個INS Theory飲食都算均衡，

每日都會食到菜，肉，五穀，蛋白，奶，

自己要整其實都唔難，但份量就比較難控制

 遲Ｄ再同大家講下自己準備既早餐～ｋｅｋｅｅｅｅ

如果大家都對INS Theory 有興趣，可以到以下網址了解：

http://prettyfond.com.hk/

中秋唔一定要送月餅既!!! Cupcake一樣得!

每年中秋，我都會買好幾張月餅卷，

之後乖乖去換餅，一盒盒咁送禮，男友媽媽，媽媽朋友，親戚長輩等等。。

新聞都有講，香港每年棄置月餅數量多得驚人，

中國人有一個奇怪傳統，送禮，要大大盒先好睇，

但，真係食得晒咩？

之後我就開始買Ｄ特別既月餅，

例如雪糕月餅，朱古力月餅等等，務求大家都會食晒，唔好浪費！

月餅種類多不勝數，而今年Twelve Cupcake亦迎合傳統，推出Cupcake月餅？

P.S:我其實周不時經過都會買幾件返屋企食架～Kekeeee，人肥不是沒有原因的～

話就話月餅，其實，係有中秋氣息既Cupcake就真～

不過，如果我收到佢，一定比收到月餅更開心！

一盒４個的月餅都有獨立膠盒包裝，外觀上完全唔輸比傳統月餅

而且，一套月餅套裝內除了有４年特別版中秋Cupcake及2張單個Cupcake卷之外外，

更附有4包香草及花果茶包，包括 Camomile, Honey & Vanilla

， Strawberry & Mango， Peach & Passionfruit及 Rosehip & Hibiscus，

配合食Cupcake時飲用，真係食多多Cupcake都冇問題！

因為我一直對果茶興趣不大，當日我就試左 Camomile, Honey，

再配合其他Cupcake(Cupcake4款口味都有試過哦!)，

一個完美既Tea Time，原來就係咁簡單～呵呵～～

Earl Grey－伯爵茶

上層的Butter Cream及下層的蛋糕體都有加入伯爵茶葉碎，

茶香味濃，配合蛋糕香而不膩，是我在4款月餅中的至愛！！！

 Espresso－濃烈既咖啡香味，
係咖啡愛好者唔可以錯過既款式，
每次買Twelve Cupcake送人，我都總會揀一件 Espresso

Cranberry Chocolate－朱古力迷之選，

香濃朱古力Butter Cream配上朱支力蛋糕底及紅莓乾，

酸酸甜甜既紅莓乾剛好可以減低朱古力Butter Cream既甜膩，正！

Strawberry Vanilla－是由大熱的士多啤梨雲呢拿演變出，

相對於其他口味比較清新簡單

其實整個月餅系列都是由一Ｄ比較受歡迎既口味演變出黎，

除左係外觀上既分別，最大分別係，中間有［蛋黃］，

切開果下我同屋企人都不禁［嘩］左一聲，

我試過只食少少［蛋黃］，

唔知係咪心理作用問題，好似真係有咸蛋黃味WO!!!!!

想試有［蛋黃］既中秋Cupcake，就真係要中秋先買到，要試就唔好錯過喇～^0^～

8月31前訂購仲有85折優惠KA

詳情可參閱Twelve Cupcake Facebook: https://www.facebook.com/TwelveCupcakesHongkong

我的減肥之路-十天成果發表

自4/8到而家都未再上磅，

其實一星期有咁既效果算係唔錯，

連脂肪比率都有減少～

不過我好唔捨得Ｄ肌肉呀...T^T...

過左一星期之後，其實我都開始習慣個飲食，

唔夠食又可以加烚菜，所以問題都唔大

情緒初時因為血糖問題有Ｄ唔穩定，

而家感覺都好似好左好多

呢幾日男友同男友家人都話我瘦左，

我自己就唔多覺，所以搵返之前成套衫去對比一下～

咦？？？又好似真係瘦左D WO~~嘻嘻!!

我要繼續努力KEEP下去先得!!

我的減肥之路－飲食

第一日（24/7）上［卓敏坊］，佢地就比咗本手冊我，

入面有齊大部份既減肥資訊，

而我最需要留意既，就係第一欄既［食物份量換算表］，

因為佢地都係以營養師餐單飲食，所以點為之一份既概念好緊要！

你叫我一日三餐都計幾份幾份，我真係頭都大，

好彩，我只係早餐需要用到佢！

P.S.呢本野最好搵個FOLDER放好佢，因為真係用得幾多，會掀到爛

我減肥計劃由28/7開始，佢地會有專人跟住你既情況，

所以，某程度上壓力都幾大，不過減肥失敗既人，有時候就係唔夠壓力先會放縱

佢地建議我早餐食三份五穀，一份肉/蛋白質，一份奶，一份油

基本上我日日都會食一份芝腿治走油，因為可以就咁０係麵包店買，方便丫嘛！

（2片麥方包=三份穀，1.5片低脂芝士=一份奶，一片火腿=一份肉）

但到星期三，我發現我開始有便秘既問題，

就轉左食蕃薯，蛋白2隻，脫脂奶，

果然，我一大早飲奶係一定有得去廁所，所以又解決左呢個問題！

雖然三份五穀，一份肉/蛋白質，一份奶，一份油，

睇落好麻煩，但原來只要有個概念，就好簡單

P.S.不過我之後可能會轉蛋治加奶算，

因為，我真係好懶，最好可以就咁買，唔想諗配搭

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

早餐都咁麻煩。。。如果要我自己搞午餐/晚餐，

我應該會崩潰！

好彩，［卓敏坊］有提供每日既午餐+晚餐，

0岩晒我呢Ｄ懶人

佢地每日都會有飯盒送到［卓敏坊］，

上面都會有屬於自己既會員號碼，日期同午餐/晚餐，

咁就唔會搞錯食錯人地個飯盒，或者食錯第二日既飯盒啦！

西蘭花肉片+烚菜+飯

烚菜+鯪魚肉炒粉絲

蕃茄雞扒+烚菜+茄汁意粉

我有每日影低飯盒做記錄，基本上每餐都會有肉有菜有澱粉，

營養均衡，味道都唔錯，只係相對上淡少少，

不過我一直係一個大胃女，每次Buffet放題男朋友都係靠我回本，所以講真丫，

食完都只係5成飽。。。特別是有時只得肉+烚菜，冇飯，仲餓

不過，佢地亦都同我講過，如果真係唔夠飽，

可以自己+烚菜，但只限於水煮菜，真係鹽都唔可以放！

因為佢地所有既調味料都係低納無糖！

當然，唔夠飽係我個人問題，因為我一直都食得多，

而一般女仔都應該夠食

開始左INS減肥只係5日，我已經開始比以前早訓，

因為一夜訓，我個肚又打鼓，哈哈！！

所以黑眼圈都冇以前咁深～～

飲食暫時講到呢度，以後我會一星期報告一次進展，

比自己留個記錄都好丫！

猛男THUNDER FROM DOWN UNDER襲港開SHOW

9月份有猛男THUNDER FROM DOWN UNDER襲港呀，

我自己其實就冇勇氣去睇呢D SHOW，

不過我真係有朋友特登去外國睇，仲同我講有幾咁開心，幾好玩！

雖然我外表唔似，但其實我都怕怕醜醜架！哈哈哈！！

不過聽講呢次黎既猛男一D都唔惹小，佢地係而家澳洲最炙手可熱的表演團體，

之前0係拉斯維加斯已經有超過 700 萬人欣賞過佢地的節目。

而且佢地更0係NBC's Today Show, 

The Tyra Banks Show , Lifetime's Project Runway 等節目演出！

我一同朋友講佢地就超興奮，而且門票價錢都可接受，

比我睇韓仔演唱會平得多啦～哈哈！

有興趣既朋友仔唔好錯過喇，聽講得一場咋！！！

(我有朋友已確定會到場睇SHOW,至於我...再諗諗先....唔知男友會唔會殺左我呢?!)

日本便宜好用開架裝物＠Visée

日本其實好多開架品牌都又平又好用，

最近，Kose其下既Visée都黎左香港喇！

而且價格同樣親民，以後就唔駛再託朋友帶返黎LU

當日Visée化妝班，我一到場已經被色彩繽紛既化妝品吸引

不過最吸引我都係呢Ｄ扮化妝品既餅乾，

初初冇行近，我真係以前係Eye Shadow黎架！哈哈

整個感覺超Sweet!

我屋企化妝品唔算好多，但講到最多既其中一種就一定係眼影，

Visée只係眼影都有3個系列，滿足大家化唔同妝容既需要，

由上而下：Visée Glossy Rich Eyes，Visée Nudy Rich Eyes及Visée Smoky Rich Eye 

當日大會仲請咗日藉化妝師 Dobashi San黎為大家示範點樣化一個小顏妝

講酊化妝，最緊要緊係個底妝，底妝化得唔好，

其他畫到幾靚都冇用，當然，天生麗質既例外

先用Nudy Rich BB Cream打底，

再用上 Slim Modeling Foundation SPF24PA++，有留意到嗎？

粉餅下1/3左右位置比較深色，可以做一個自然既小修容效果

想立體感再加強，面再瘦DD，可以再加上Slim Model Powder，

只要0係大力吸氣時，面珠仔凹入去個位開始掃少少就得喇，

當然亦可以用黎打鼻影

P.S,呢樣要慢慢練習，我自問就冇咁高技巧喇，

試過幾次都係會唔小心用多左變左［少林足球既阿梅］

平時我地畫臥蠶都會用有珠光眼影，

而Visée竟然出了淚眼筆～超方便～

眼線筆，易畫，防水力唔錯，

不過當日冇試上眼，所以唔肯定會唔會溶～～嘻嘻～～

咁多眼影裡而，我最鐘意呢盒PK-3既 Glossy Rich Eyes，

特別是個酒紅色，真係好靚呀！！！

上眼之後都好自然又有立體感，好鍾意好鍾意好鍾意呀！！

不過之後我去買唔到囉。。T^T。。。唔開心＞＜

上圖其實已經有用到Blend color Cheeks 4色胭脂同Creamy Lipstick，

不過相機食色，好似唔多明顯！

其中我好特別推薦Blend color Cheeks，因為佢最底０個格，

係比我地用掃完Blush再掃上，令Blush色調更柔和

而Creamy Lipstick顯色度高，真係支唇膏係咩色，搽落去就咩色，

但我覺得略嫌有D乾，先用潤唇膏打底會比較好！

而家Visée產品0係部份SASA有售，

想知道詳細地址可以去Visée Facebook睇吓！

https://www.facebook.com/pages/Vis%C3%A9e-HK/775584312475829