上年7月，因為需要到韓國拍Pre Wedding的關係而急於減肥，
在網上討論區認識到INS，就開始搵資料，
參加一個月的Program，成績算唔錯，一個月真係剛剛減到十磅，
雖然仲有Ｄ肉地，但當時好有信心，自己可以減到，
始終都係控制飲食加運動，加上佢地標榜係唔易復胖。。。
點知就出事。。。。
唔知係咪之前一個月太多野想食冇食，
一放監。。。冇錯。。。係真係放監。。。。
就開始食返一路以黎自己恨左好耐既野，火鍋放題呢Ｄ真係走唔甩，
食量明顯係比以前細左，而且。。。真係食成咁都冇咩點肥～～
Keep到10月尾，去韓國時，都只係重左３磅。。。
去到韓國更加唔駛問。。。我成個行程都係食，食，食！！
返到香港，都只係再重４磅，而0個４磅。。。唔駛２星期就消失左２磅。。。
然後。。我更放肆。。。。反正唔會肥嘛。。。
結果當然唔駛問。。。
開開心心咁過左一年～～我肥返晒，肥返晒，肥返晒。。。T^T。。。
之後再經WOW友介紹，Join左<仁愛堂>做GYM，
乖乖去跑步，仲Join埋私人教練....
結果2個月過去，線條有Firm左，但。。。磅數冇改變，
教練話係因為我冇控制飲食。。。但。。。你可唔可以教我點食。。T^T。。
眼見３月婚期越來越近。。。十月又有Pre Wedding。。
加上深深明白自己既自制能力之後。。。
我唯有重投INS懷抱。。T^T。。
是喜是悲？？？
