2018年12月20日 星期四

照顧寶寶的訣擇

從計劃懷孕開始,無錯,係由計劃開始,
我已經同老公商量BB未來照顧問題,
每一個家庭環境唔同,
所以選擇照顧方式各有不同。

基本分為三大類,
  1. FTM (full time mom)
  2. 由長老代為照顧
  3. 工人照顧

因為屋企各種經濟因素,
加上唔想將屋企重擔放晒喺老公身上,
FTM就唔駛考慮,
所以雙職父母係我地必行既路

2. 長老照顧
有至親照顧當然放心,但針無兩頭利,
舊一輩同新一代照顧方法各有不同,
雙方難免會有微言,
最怕係會影響自己同長老們既良好關係。

長老們寵孫係必然既定律,唔好打算阻止/干涉,
因為,當你返工時候,阻止唔到亦干涉唔到,
當然唔係每一個長老都盲目寵孫,
我亦見過理智型長老,將孫兒照顧得好好又聽話。

可惜我兩邊長老都係盲目寵孫型,
所以⋯不會考慮
 
3. 工人照顧
搵姐姐就好似賭博一樣,
運氣好既,會搵到個愛錫自己小朋友,
識得照顧得好好,
但同時,愛錫小朋友亦唔等於識得照顧,
就算愛錫,識照顧,就算媽媽授權,
工人姐姐亦未必用心去教導小朋友,何謂對同錯。

就講自己身邊,見過小朋友蝦姐姐,
亦見過姐姐帶小朋友只顧玩電話。

所以,喺小朋友仲好細既時候,
我地亦無請工人姐姐既打算。

喺種種選擇之下,
我發現咗原來有個地方,叫育嬰院。
育嬰院係一個主要照顧0-2歲小朋友既地方,
除左照顧起居飲食,
亦會幫佢地大小肌肉訓練,感管訓練,
甚至加固,大D就開始學習自理,
去廁所戒片片等等。
如果叫我搵一個形容詞,
我諗就係嬰兒版既幼稚園。

價錢唔算平,比工人姐姐月薪為高,
但如果照顧得好,又有野學,我地覺得值。

但育嬰院有個唔好處,就係每區太少,
學位不足,變相入學有難度,
育嬰院通常以小班教學,以年紀分班,
因為bb始終需求高,
一個老師最多平均照顧6個小朋友。

做好一切資料搜集後,
再喺婦產科醫生診所拎左預產期証明之後,
就立即email去申請排隊入學,
因為知道學位緊張,所以我約7週已申請。
(每間育嬰院準則唔同,
有部分係約4-5個月先開放申請)

直至收到入學通知前,其實都幾緊張,
因為bb早產,產假自然比預計早完結,
直到BB出世一個月多,好好彩已經收到入學通知,
Bb同其他小朋友一樣,9月份就已經入學喇,
下一篇再分享一下園內生活。









2018年11月6日 星期二

產後護膚-用精華洗面咁奢侈?

先唔講產後,其實由懷孕後期,
我已經完全放棄「護膚」這回事,
一來經常住院,二來,成個人真係好攰...
加上,唔知係咪陀女關係,皮膚一直不錯

到生完bb後,先發現,休息呢兩個字有幾奢侈,
漸漸,除左基本既洗面外,
我已經咩都無做。
加上無左肚入面bb既加持,皮膚質素急轉直下。

咁啱呢個時候,有機會試做Treatment,
自懷孕後,為左怕影響到BB,
所有試用試做都推得就推,
但呢個Treatment 完全不影響母乳餵哺,
就安心一試

目的地係熟悉既A Plus,
我一直好欣賞佢地單次收貴既做法,
唔會hard sell,所以其實自己之前都係A Plus既客仔。



今次試用既係聽過好多次,但從未做過既HydraFacial,
簡單黎講,佢係一個深層清潔同時補濕既Treatment,
清黑頭粉刺同時又唔會好似針清咁,
令皮膚又紅又腫毛孔粗大。

開始前,先影相,除左可以了解一下自己皮膚問題,
仲可以喺下次做時比對下皮膚改善變化

主角就係佢地喇,
左起:Activ-4(乳酸) 用於面頰U位,清潔皮膚,軟化皮脂
Beta-HD (水揚酸)用於比較多油容易藏污垢既T字位
Antiox-6/TNS serum (補濕透明質酸) 能刺激膠原製造,還原老化受損細胞,令肌膚自我修復重組及更生。
包含超過110 種人體生長因子、抗氧化物、
水溶性骨膠原及氨基酸

每種精華都會用上不同機咀,
而因衛生問題,機咀都只係一次性,不會重複使用


基本潔面後,Treatment正式開始。
先用ACTIV-4及Beta-HD溶液,
於面上不同位置進行深層清潔,
再利用Antiox-6/TNS serum作為精華導入,
期間感到機頭邊噴出精華再吸走,過程舒服

HydraFacial後會有約100ml的精華洗出,
無錯,係洗出,呢個Treatment,
其實就等於用精神洗面,奢侈到自己都覺得浪費精華,
但睇到洗出黎既精華,真係嘩一聲,
一粒粒既黑頭粉刺,清清楚楚,
先知原來塊面咁污糟。。。
(仲好有滿足感)

之後再敷上水份面膜,再塗上眼霜面霜就完成。
皮膚無論睇同摸上手都係,感覺細緻又滑溜。
最近天氣乾燥,Treatment之後面頰有少少泛紅,
不過好快就已經回復正常

美容師同時健議,返屋企勤力D敷面膜,
因為做完呢個Treatment ,皮膚會比之前更吸收,
無謂浪費左個Treatment 丫嘛!

呢個Treatment 一個月做一次就足夠,
而且唔貴,連我都有D心動想自費一直做落去!
清潔,真係所有護膚程序最重要既一步!



 













2018年10月31日 星期三

生產日-3

我一直以為動手術,上身有袍,
下身要完全脫光光,原來,私院有腳套,
把整隻腿套著,就好似著了褲子一樣,
安全感多了,尷尬少了

接受下來,入手術室,我非常緊張,
全身都在震,
在背打麻醉藥時,醫生抱著我,
一直安慰,叫我乖,不用怕,
怎麼我突然好像多了個爸爸?
哈哈,不過我的確跟醫生認識了十幾年,
也有點父女的感覺?

下麻醉藥後,先覺得全身突然變暖,
之後好快,由胸部以下就好像消失一樣,
毫無感覺,但我卻不停想吐。

手術開始,先生有陪產,
醫生建議我們傾談一下,不過大家因爲緊張,
都沒有發出任何聲音。
我兩隻手,一邊吊針用打藥,
另一邊在不停量血壓,
耳邊不聲聽到血壓計發出的警告信號,
原來當時血壓已上升至2百多

突然,我感覺到有大壓迫感,
我知道醫生跟護士在推寶寶出來,
整張床也在動,醫生同時問我一句,
威院有沒有跟我說胎水只剩很少,
我知道意味著什麼,呆了一下,
腦袋只記得醫生B一句,「胎兒正常」。

結果。整個手術室瀰漫著緊張氣氛,
我聽到的就只有「得,我搵到」「breath未」

我知道,出事了,突然,聽到寶寶喊聲,
我才鬆一口氣,同時忍不住流眼淚了。
老公以為我太感動,
其實,是他沒有留意醫生對話

之後,兒科醫生走過來跟我們交待,
寶寶出來時沒有呼吸,不過給氧氣後就沒事了,
寶寶重5磅3安士,雖然36週,早了一點點出來,
但不算太輕磅,非常健康

接著婦產科醫生就專心把傷口縫合,
麻醉師就開始替我們影第一張的全家幅,

佈滿胎脂的寶寶還真有點。。。
但光看也知道。跟爸爸樣子完完全全一樣,
明明是女孩子,為什麼要像爸爸⋯

接下來數天,寶寶麵交給醫院照顧了,
而媽媽的工作,就是好好休息。
醫院會有特定的探bb時間及媽媽餵奶時間,
媽媽可選擇到餵奶室餵奶/完全交給護士照顧,
而我一直想餵母乳,當然乖乖的定時準備,
不過可惜,住院幾天我都還未上奶⋯
只好餵醫院水奶
同時,醫院每天都有親子時間,
這是住院期間爸爸唯一可以接觸寶寶的時間,
個人建議必定要參加哦!

爸爸首次抱寶寶,都緊張得喘氣了!

我前後住院4天,

因為身體問題,我吃的藥,
也真誇張。。。
特此拍一張記念

4日後,寶寶身體一切正常,
可以跟我一起回家嚕!

無論如何,寶寶健健康康出生,
是每一個父母最大心願,
歡迎你加入我們,謝謝你在肚子中一直掙氣,
願意吸收長大,謝謝你選擇了我們做你的父母,
未來日子,也請多多指教!









生產日-2

其實由6月7日9pm,住院一刻起,
醫院定時的替我每一小時量一次血壓,
每三小時抽一次血,好讓他們觀察病情進展!

8am左右,醫生巡房跟我說,
情況已略為穩定,暫時不需要開刀,
可正常飲食,再加一句,教授想見一見我,
但要星期一。。。

然後,姑娘給我一個3.6L得大圓樽,
我知道,這是用來留24小時小便,
去計算24小時強白尿含量。
即,我最起碼星期六上午才留完樣本。
星期六日醫生相對上少,開刀的機率也少

再細問一下,醫生才跟我說,
希望的多等一星期,即37週,看寶寶會不會掉頭,
再決定催生還是開刀

醫生離開後,我望著月曆,有點失落,
還差11天,我還是等不到。。。

———————————————

2pm,護士接更了,
我聽到護士有重點交托我的case給下一手,
其間,我聽到一點自己的報告結果,
抽血報告大致上全不合格,
肝腎功能也有問題,
蛋白尿已經有2+(最嚴重為4+)

我的不安感又再一次泛起,已經忍不住了,
直接打電話給相熟的婦產科醫生交待情況,
結果醫生知道後,本來建議的不要走動,
留在威免剖腹,但我表明醫院想多待一星期後,
就簡單問我精神情況,再問我想不想轉院,
我理解醫生的意思,亦清楚知道醫生是為我好。

然後,我看到一位比較高級的醫生在護士站,
立即走過去表明轉院,
起初醫生不建議我離開,
但知道我是轉院立即剖腹後,
很快就改口,叫我回床收拾物品,
他立即給我打信讓我轉院,
千叮萬囑要立即院駁院,別去其他地方!
當下子不期然有一點感動,
我終於遇到一位真心為病人,
而不是只為上級交待的好醫生!

到達法國醫院,原來醫生已在婦產科樓層等我,
登記資料後,就檢查房量血壓,駁胎心機

紅色的是寶寶心跳,綠色的是宮縮程度

之後,護士替我換好衣服後,就給我一支胃藥,
要把它完全喝完,而且不能喝水,
OMG!我有幾次想吐出來









2018年10月30日 星期二

生產日- 1

早在2x週住院時,
我已經見識過各產婦作動時的痛苦,
崩潰,尖叫,痛哭

我沒可能不害怕

但原來,到自己需要面對時,反而會欣然面對,
因為,知道根本不能避免,就豁出去!

上文提到,我早已預約到私家醫院開刀,
因為,在我的case,醫生建議開刀比順產安全,
因為順產的痛,及用的力度,
有機會令血壓再一次上升

不過,因為私家醫生大多建議高危case回政府生產,
所以,我同時也給自己有在威院順產的心理準備

一日復一日的倒數,離見寶寶的日子越來越接近,
其實還真的有點小緊張

6月7日,最後一次在威院的產檢,
見完醫生後,其實還有給我下一次產檢期,
不過我都打算要去私家開刀,
當然就不會再去產檢

當日產檢後有點累,就跟老闆說一聲想要全日病假,
就回家休息,好好睡一覺了

正當自己睡得香甜,被一個陌生的電話號碼吵醒,
原來,是威院的電話,要我立即回醫院,
我內心一沈,知道,它果然還是找上我了。。

我不知是自己未睡醒,還是太混亂,
哪來的傻勁,跟醫院說,我約9-10pm到,
因為先生未下班回家,我要等先生陪我去

他們當然拗不過我,因為家裡沒人,
我獨自去醫院,中途岀事也不是沒有機會的。

9pm,我就拿著走佬袋,三個後備電池,
就準備入院了。記得,政府醫院,後備電池很重要!

護士們一看到我非常緊張,
已經著我入收症房量血壓,問簡單問題,
很快就有兩個醫生同時幫我摸肚,
醫生A診症,醫生B替我照超聲波

醫生B:BB心跳正常無問題

醫生A:你應該知自己咩事啦係咪?以你而家情況,我地轉頭就要幫你落藥催生喇!

我: 唔催生得wo,亞B上星期都未掉頭

(醫生A立即望著醫生B,然後醫生B才有反應,
表示寶寶頭仍在上方。)

醫生A:既然BB未掉頭,我地唯有幫你開刀喇。

其實我當時的確有點生氣,
如果我沒有到私家產檢,不知道bb沒掉頭,
讓你們催生,豈不是拿寶寶生命來賭博?
我一直也體諒政府醫院很忙,難免有出錯,
但有些錯真的不能接受!

緊接著,護士把我安排最接近走廊的病床,
我知道,接近走廊的床都是給危險性較高的病人用,
方便隨時推入手術室/其他地方。

才剛換好衣服,四方八面都有醫生護士衝過來,
圍著我在忙,種豆,抽血,量血壓,等等

然後,其中一個醫生跟我說要今晚緊急開刀,
必須禁水禁食,就離開。。。

其實麻醉只需要6小時禁水禁食,
而我當時已超過8小時禁水禁食,
到4am,真的餓得受不了,
再一次問護士什麼時候開刀,
結果,到天光,才有醫生跟我說血壓穩定了一點,
暫不開刀。而護士也見我餓得可憐,
批准我吃一片餅乾,然後繼續禁水禁食。。。









自以爲已經安全的-懷孕後期

上一篇提到,大部分媽媽在20週,
完成結構性超聲波後就安心待產,
而我,依據每日食藥,早晚量血壓,
用尿蛋白試紙,就怕妊娠毒血症突然找我

一直盡量保持開心心情面對,
當然也不忘去拍孕媽媽的記念照,
為了怕隨時早產,我把拍攝日安排在28週,
還真的有驚無險,拍攝前,我在車上暈到了,
差點要把拍攝取消



約30週開始,血壓就開始不穩定。
就算食藥後也不能降低,
不用多說,再次住院較藥。

30週後,除了血壓不穩,身體也越來越多不適感。

1.走動不方便, 肚子越來越重,連走路也覺得辛苦

2.抽筋,晚上就算多累已經不敢「伸懶腰」,
因為一伸展,立即抽筋

3. 鼻塞,只要一平躺,立即鼻塞,從未睡得好過,
想呼吸順暢地睡覺,唯有坐著睡

4.流鼻血,懷孕後期經常突然流鼻血,
次數還越來越多,初時三/四天一次,
慢慢變成每日1-2次。
這段時間我盡量在長老們面前失蹤,免得把他們嚇壞!

5.上腹痛,右上腹,經常性的隱隱作痛,
做research時知道右上腹痛是毒血症病徵之一,
住院其間曾跟醫生反映,
醫生卻說是寶寶頂著我所以痛

34週,相熟的私家醫生跟我說,趁未有毒血症狀,
盡早一足月就開刀,所以我亦在私家醫院留了位,
準備6月19日跟寶寶見面。

但就在34週4天開始,血壓突然又升高,
要多加一倍藥,才勉強降至安全偏高水平,
勉強可出院,但其實自己已心知不妙

開始拿著月曆倒數,不停跟自己說,
乖乖,就撐到6月19,
要頂著,盡力放鬆心情,休息,
要避免毒血症的到來,
一日復一日,一天又一天的倒數。。。



2018年10月22日 星期一

驚險的懷孕期-2

岀院回家後,我不停回想,
孩子的到來到底是喜是悲?

為免自己想太多,我沒有給自己太多的休息,
不過突然住院幾日,總要給老闆一個交待,
換言知,除了我自己及老公,
第三個知道我懷孕的人,就是老闆

工作關係,偏偏老闆及老闆娘都是醫生。
清楚醫院要我留院的原因,
令我知道自己可以正常地生下寶寶機率更低。

因為高血壓,
當中可以有好多原因,令寶寶吸收唔到,
隨時停止發育。

亦因為各種風險,我倆都決定到穩定期,
再給長老們這個驚喜,
一直隱瞞病情,亦是我們對長老們唯一可以做的事。

但我好快就知道,原來我的懷孕期,
並沒有完全穩定的一日。

懷孕的每個媽媽,都經歷重重難關,
關關難過關關過。

第一關- 胎囊
剛發現懷孕住院時,
每一晚也有醫生替我做陰道超聲波,
每一晚,醫生也給我一個不確定的答案,
原來,他找不到胎囊,但抽血HCG有上升,
不能斷定是否宮外孕。

(胎囊約5週可發現,
很多媽媽發現懷孕時,已經發現胎囊及胚胎,
而只有胎囊沒有胚胎的,就是所謂的空心胎。)

第二關- 心跳(8週)


約8週時可看到寶寶的心跳,
那心跳聲是第一次感受到肚中有個小生命。
緊張,神奇又感動

第三關-唐氏篩查(11週)
11-14週時做的檢查,政府醫院準確率約有70%,
而到私家診所做T21/nifty染色體檢查,
準確率就有99%,所以大多媽媽都會到私家診所檢查,
亦因為這個檢查,確定了寶寶是個女女哦!

第四關- 結構性超聲波(20週)

一直以來最期待的檢查,
因為,這是首次看到寶寶樣子的日子,
之後,就到乖乖等待寶寶出世的日子


28週,寶寶已長肉了,
看得出來完全是一個bb的樣子

當時,我先排除私家醫生覆診時間,
在威院的覆診日子,實在密集式到,
連請假也會覺得不好意思

在懷孕12週前,平均約2星期一次,
之後就4週一次,28-30週左右,再回復兩星期一次

當中,還有斷斷續續的住院

16週後,除了血壓藥,醫生也有給我亞士匹靈,
可以減低妊娠毒血症風險,
預計一直服食至37週







2018年8月15日 星期三

驚險的懷孕期-1

續上篇

人生初次住院,情緒不穩,
陪我做入院手續的姑娘都被我嚇到,
雖然,醫院姑娘不停安慰我,只是做做簡單檢查,
但從他們的神情,我知道,我的問題應該不簡單

並不是單純性高血壓

姑娘給我安排了二人房,我不是公務員家屬,
但可以住二人房,本來應該覺得自己幸運,
但之後我發現,跟我同房的媽媽,
肚子應該有5-6個月大,但BB似乎有問題,
必須要排出。。。。

換言之,我肚入面既小生命,可能唔樂觀?

———————————————

住院其間,我除左喊,WhatsApp 跟朋友傾訴,
完全沒什麼可以做,想休息,
卻因為情緒問題,睡不著。

威爾斯的姑娘同姐姐都好好人,
佢地有時間就入黎陪我傾計,
勸我唔好太擔心,我只係做檢查,要相信醫生

其間我每日一早一晚抽血,不停驗小便,
每日都要做陰道超音波。。。

其間有服食血壓藥,
但可能血壓不穩定,在醫院暈倒了,
朦朧間知道有一大堆護士衝過來扶我上床,
驗血糖,量血壓,量心跳率等等,
直至我一醒來,四散,
然後,被禁止自己落床。。。


 到第三日,我已經受不住,要求出院,
因為真係完全不能放鬆休息

結果,醫生批准了,但給了我3大個膠桶,
要連續留3天的小便。

只要可以回家休息,我什麼都會乖乖做,
出院前,給我一大疊紙,
是之後密密麻麻的覆診日期。
好,我會乖乖準時覆診

————————————————————

原來,我被懷疑有妊娠毒血症,
入院時,已發現有血壓有16x/9x,
知道要住院,便標至18x/10x,
住院後更發現蛋白尿

但抽血報告正常

超聲波照不到胎囊,但HCG指數又有穩定上升,
所以,醫生批准我出院,但隔日要回醫院抽血

今次,係我第一次接觸到「妊娠毒血症」這幾個字,
而我,亦開始做資料搜集,去了解一下呢個病


2018年8月12日 星期日

婚後首次出現的第三者

自從準備婚禮後,寫blog次數續漸變少,
之前準備寫的婚禮資料,婚禮DIY都已經不合時,
既然如此,不如跳級,就來寫一下我婚姻生活中第三者。

自2016.03.06婚後生活一直幸運順利,
偏偏,2017年後半年開始,
家中的兩個毛孩相繼離我而去。。
一個是在娘家,陪我15年的仔仔,
另一個,是4年多前領養回家的13妹。。。
3個多月兩個小朋友從此在自己生命中消失,
那種心痛感,實在難以形容,
直到今日,記起心仍然忍忍作痛,
眼淚依舊不受控湧出。。。

上天算待我不錯,在仔仔剛離開後一個月,
突然間感到period 來了,但到廁所檢查一下又沒有,
胸部又有漲痛感。。
心思思之下,用了朋友之前送我的HCG試紙測試一下

結果,似有還無,照常上班,
然後經朋友介紹,買了clear blue的電子驗孕棒,
晚上回家後再試一次


果然懷孕了,
本身自己經期不準,知道自己比較難懷孕,
也沒期待過什麼,突然懷孕了,老公當然高興,
而我的第一個反應,是仔仔回來嗎?

其間有驚有喜,這是天上突然掉下的小禮物,
但現實還現實,之後無論工作還是照顧上的安排,
還是需要認真處理

——————————————————
第一步:私家婦產科診所拿懷孕証明
第二步:到政府醫院登記,排期安排定期產檢

我家在屯門,道理上應該是去屯門醫院,
但因姑奶曾經在屯門醫院發生不愉快事件,
我選擇了跟娘家的地址,到威爾斯親王醫院登記

因為只是一般登記,我只在公司請了半日假就去醫院,
其間還輕輕鬆鬆的跟老公WhatsApp,
商量晚餐煮什麼,
因為我相信自己有時間回家買材料做晚餐

結果,登記留資料,
量身高,體重,血壓,簡單驗小便後

我突然收到護士通知,我必須緊急留院,
連回家收拾的時間也沒有,必須直接上病房住院。。。
同時,我情緒突然控制不了,
眼淚一直湧出,我不知道自己發生了什麼事,
人生長這麼大從未住過醫院,有說不出的恐懼感,
是肚中寶寶出現了什麼問題嗎?才2週就出問題?

腦海中一直轉著一大堆無謂事情,
公司只有我一個,我住院了工作怎麼辦?
三天後是老公的生日,
我買了機票跟老公去首爾來個三天快閃遊,
機票酒店怎麼辦?
我住院,老公在上班,晚上趕不及拿衣服給我沖涼,
一身汗水怎麼辦?

整個人就這樣瘋瘋癲癲的住院了。。。